Παραχωρούνται στον Gabriele Cataldo δύο σερβενταρίες στις θέσεις Μάλεμε, Κάινας και στην περιοχή των Σιβρύτων, ύστερα από αίτηση της μητέρας του Maria Cataldena

Nos Marinus Baduario milex ducha Crete cum nostro consilio notum facimus cunctis presentem paginam, nos a viro nobili Ubaldino Iustiniano rectore Chanee recepisse litteras continentes inter cetera, quod cum Maria Cataldena vellet quod due sue sergentarie, posite ad Malemas, ad Gaynam et in Sivritis, scriberentur filio suo Gabrieli Cataldo, ipse nos rogabat, quatenus dictas duas sergentarias super dictum Gabrielem scribi facere nos vellemus. Quapropter per nos et successores nostros damus et concedimus post clamorem inde factum secundum usum suprascripto Gabrieli Cataldo et heredibus suprascriptas duas sergentarias predicte Marie matris sue, positas ad Malemas, ad Gaynam et in Sivritis, cum omnibus ipsarum sergentariarum duarum habenciis, pertinenciis et villanis, quas sergentarias duas ipse Gabriel tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum. Actum anno Domini MCCCXIIII, mense iulii, die primo, indicione XIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi