Παραχωρούνται στον Leonardo Bon του ποτέ Leonardo κάτοικο Χανίων δύο σερβενταρίες στις τούρμες Κισάμου και Σελίνου, οι οποίες ανήκαν στον πατέρα του

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus post clamorem inde factum secundum usum hic Candide et Chanee, ut habuimus per litteras nobilis viri Ubaldini Iustiniano rectoris Chanee, damus et concedimus Leonardo Bono filio quondam Leonardi Bono habitatori Chanee duas sergentarias predicti quondam patris sui, positas in iurisdicione Chanee, videlicet in Kyssamo et Arena, cum omnibus ipsarum sergentariarum duarum habenciis, pertinenciis et villanis; quas sergentarias duas suprascriptas Leonardus Bono tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et cetera, secundum tenorem concessionis et capitulare millitum Crete. Actum anno MCCCXIIII, mense iulii, die primo, indicione XIIe. Ego Egidius de Iordano diaconus Sancti Gemini notarius de mandato suprascripti domini duche et sui consilii scripsi