Παραχωρούνται στον Gabriele Cataldo δύο σερβενταρίες στην τούρμα Κισάμου στις θέσεις Λουσακιές και Σκάφη, και στην τούρμα Άρνας στη θέση Λιβάδα, τις οποίες είχε αγοράσει από τον Marco Andrea.

Nos Marinus Baduario miles ducha Crete cum nostro consilio notum facimus universis, quod a nobili viro Blasio Geno rectore Chanee recepimus litteras, quod Marcus Andreas vendidit Gabrieli de Cataldo habitatori Chanee duas suas serventarias, positas in Kissamo in Lusache et Schafi et Arne in Livadha, et quod ipse fecerat eas stridari Chanee secundum usum et nullus comparverat et quod eas hic Candide stridari facere vellemus et quod si nullus compareret, eas scribi facere vellemus supradicto Gabrieli. Quare, cum eas stridare fecerimus in Candida iuxta usum et nullus comparverit, damus et concedimus dicto Gabrieli de Cataldo supradictas duas serventarias cum omnibus suis habenciis, pertinenciis et villanis. Tenetur quidem ipse Gabriel dictas duas serventarias defendere et varnire secundum usum, et iuravit fidelitatem domino nostro duci, nobis et successoribus nostris et capitulare obediencie, varnicionis et concessionis secundum consuetudinem curie Crete. Actum anno ab incarnacione Domini nostri Ihesu Christi millesimo trecentesimo quintodecimo, mense maii, die sexto intrante, indicione terciadecima. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi