Παραχωρούνται στον Marco Medici δύο σερβενταρίες στην περιοχή των Χανίων στις θέσεις Πασαγίτσι και Σκλαβοπούλα, τις οποίες κατείχε ήδη

Nos Marinus Baduarius milex ducha Crete cum nostro consilio notum facimus universis presentem paginam inspecturis, quia cum nostris successoribus post clamorem inde factum secundum usum hic Candide et Chanee, ut habuimus per litteras nobilis viri Ubaldini Iustiniano rectoris Chanee, damus et concedimus Marco Medici habitatori Chanee duas suas sergentarias, quas ipse habet et possidet in iurisdicione Chanee, videlicet in locis vocatis Passagicii et Sclavopule, cum omnibus ipsarum habenciis, pertinenciis et villanis. Quas sergentarias ipse tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Crete. Actum anno Domini MCCCXIIII, mense iulii, die primo, indicione XIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.