Παραχωρείται στον Pietro Barbo του ποτέ Giovanni μισή καβαλαρία στη θέση Σκουτελώνας, ύστερα από αίτηση της μητέρας του Margherita

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum media millicia Iohannis Barbo quondam stridata foret Chanee, que posita est ad Scutellonam, et similiter hic Candide fuerit exclamata et nullus comparverit qui diceret super ea, et Margarita mater Petri Barbo filii quondam Iohannis predicti contentetur et vellit quod scriberetur dicto Petro filio suo dicta medietas millicie, ipse nos rogabat, quatenus dictam mediam milliciam supradicto Petro Barbo scribi facere vos velitis. Quapropter damus et concedimus suprascripto Petro Barbo et eius heredibus sepedictam mediam milliciam, positam ad Scutellonam, quondam predicti patris sui post clamorem inde factum secundum usum hic Candide et Chanee, ut dictum est, cum omnibus ipsius medie millicie habenciis, pertinenciis et villanis. Quam quidem mediam milliciam dictus Petrus tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini millesimo trecentesimo quartodecimo, mense septembris, indicione XIIIe Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.