Παραχωρείται στον Νικόλα γιο του ποτέ Κουτρουλόκωστα μια σερβενταρία στην τούρμα Κισάμου στις θέσεις Μουρουνίτης και Καμένα Αλώνια, η οποία ανήκε στον πατέρα του

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum quedam sergentaria quondam Cutrolocoste, posita in Kissamo ad Muruniçi et in Kaymena Alonia, ibi Chanee foret stridata et nullus comparverit qui diceret super ea, et Nicola quondam filius dicti Cutrolocoste vellit quod dicta serventaria scribatur super eum, nos rogabat quatenus dictam sergentariam dicte Nicole scribi facere vellemus, quapropter damus et concedimus ipsi Nicole filio quondam dicti Cutrulocoste suprascriptam sergentariam quondam predicti patris sui cum omnibus ipsius habenciis, pertinenciis et villanis, post clamorem inde factum secundum usum hic Candide nemine comparente. Quam quidem sergentariam suprascriptus Nicola tenetur defendere et varnire secundum consuetudinem Chanee. Teneatur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno Domini MCCCXIIII, mense septembris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi.