Παραχωρείται στον Ανδρέα Νιώτη μια καβαλαρία στις τούρμες Κισάμου και Άρνας, την οποία κατείχε ήδη

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum ibi Chanee foret stridata quedam millicia Andree Nioti, posita in Kyssamo et Arena, et nullus comparverit qui diceret super eis infra terminum dicte exclamacionis, et dictus Andreas vellet quod dicta millicia scriberetur super eum hic Candide, rogabat nos quatenus ipsam milliciam scribi facere vellemus. Quapropter damus et concedimus suprascripto Andree Nioti et eius heredibus suprascriptam suam milliciam, positam in Kyssamo et Arena cum omnibus ipsius millicie habenciis, pertinenciis et villanis post clamorem inde factum secundum usum hic Candide nemine comparente. Quam quidem milliciam suprascriptus Andreas tenetur defendere et varnire secundum consuetudinem Chanee. Tenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum Chanee. Actum anno millesimo trecentesimo quartodecimo, mense septembris, indicione terciedecime. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi