Παραχωρείται στον Franceschino Rapani μισή καβαλαρία στη θέση Βουκολιές, την οποία κατείχε ήδη.

Nos Marinus Baduario milex ducha Crete cum nostro consilio notum facimus universis presentem paginam inspecturis, nos a viro nobili Blasio Geno rectore Chanee recepisse litteras inter cetera continentes, quod cum ibi Chanee fecisset exclamari quod si qua persona haberet quid dicere super media millicia Francischini Rapani, posita ad Vucoleas, compareret infra certum terminum, ad quem nemo comparvit et dictus Francischinus vellet quod dicta media millicia scriberetur supra eum hic Candide, nos rogabat, quatenus ipsam mediam milliciam scribi facere vellemus. Quapropter damus et concedimus suprascripto Francischino Rapani et eius heredibus suprascriptam mediam milliciam, positam ad Vucoleas, cum omnibus ipsius habenciis, pertinenciis et villanis post clamorem inde factum secundum usum hic Candide et Chanee, ut dictum est. Quam quidem mediam milliciam ipse Francischinus tenetur defendere et varnire personaliter. Τenetur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum. Actum anno MCCCXIIII, mense octubris, indicione XIIIe. Ego Egidius de Iordano diaconus Sancti Geminiani notarius de mandato suprascripti domini duche et sui consilii scripsi