Παραχωρούνται στα αδέλφια Gabriele, Bartolomeo, Pietro και Nicola Venier, γιους του ποτέ ευγενούς Marco Venier, δύο καβαλαρίες, οι οποίες ανήκαν στον πατέρα τους. Από αυτές μια σερβενταρία βρίσκεται στη θέση Άστρικας, τρεις σερβενταρίες στη θέση Λουσακιές, δύο σερβενταρίες στη θέση Επάνω Παλαιόκαστρο, μια σερβενταρία στη θέση Vreo και δύο σερβενταρίες στη θέση Λιβάδα. Οι δύο καβαλαρίες διεκδικήθηκαν από τον θείο τους, Nicola Venier, αλλά το δουκικό δικαστήριο απέρριψε τη διεκδίκηση αυτή.

Nos Marinus Baduarius milex ducha Crete cum nostro consilio notum facimus universis presentem paginam inspecturis, quod cum secundum ordinem nostrum quem fecimus quando fuimus Chanee, videlicet quod omnes habentes kavallarias et sergentarias in iurisdicione Chanee eas facerent sibi scribi in catastico Candide usque ad certum terminum per nos datum, nobiles viri Gabriel, Bartholomeus, Petrus et Nicolaus Venerio fratres filii quondam nobilis viri Marci Venerio vellent facere sibi scribi duas eorum millicias. Nos eas stridari fecimus iuxta morem, ut si quis haberet super eis aliquod ad dicendum fixo termino compareret, ad quem terminum nullus comparvit preter Nicolaum Venerio eorum patruum, qui asserebat dictas millicias esse suis per quandam divisionem factam inter ipsum Nicolaum et dictum nobilem virum Marcum Venerio fratrem suum, ad quod dicti nobiles responderunt, quod post dictam divisionem dictus Nicolaus eas donavit suprascripto Gabrieli, propter quam donacionem antedictus nobilis vir Marcus eorum pater dictas millicias possedit et pro eis fecit guarnicionem et ipsi post mortem dicti eorum patris, et quod post predictam donacionem factam eidem Gabrieli per ipsum Nicolaum de dictis milliciis sepedicto nobili viro Marco Venerio ipsas possident et pro eis faciente quarnicione suprascriptus Nicolaus eidem fecit securitatem de fraterna compagnia et de omnibus aliis rebus ad plenam, sicut fieri potuit. Quam securitatem suprascripti nobiles in iudicio ostenderunt, quam et dictus Nicolaus confessus fuit. Unde auditis pluries iuribus utriusque partis sentencialiter clamorem ipsius N. evacuandum duximus ipsum irritum iudicantes. Quapropter per nos ducham et dominum Petrum Vitale consiliarium nostrum per maiorem partem videlicet, domino Dardi Contareno non existente in oppinione cum eis, damus et concedimus suprascriptis nobilibus Gabrieli, Bartholomeo, Petro et Nicolao Venerio fratribus sepedictas duas millicias positas in iuridicione Chanee in locis inde notatis, videlicet serventaria una ad Astricum, serventarie tres ad Lussachi, serventarie due ad Apano Paleocastro et serventaria una ad lo Vreo cum vinea de Virulo et serventarie due in millicia de Livadha cum omnibus ipsarum serventariarum omnium et vinee habenciis, pertinenciis et villanis post clamorem inde factum secundum usum Candide, ut dictum est et Chanee, ut habuimus per litteras nobilis viri Ubaldini Iustiniani tunc rectoris Chanee. Quas quidem sergentarias et vineam dictus nobilis vir Marcus Venerio quondam emit a Iacobo Tonisto pro duabus milliciis. Ipsi vero Gabriel, Bartholomeus, Petrus et Nicolaus Venerio fratres tenentur dictas duas millicias defendere et guarnire secundum consuetudinem Chanee. Tenentur eciam de fidelitate domino nostro duci Veneciarum, nobis et successoribus nostris imperpetuum et ceteris capitulis concessionis et capitularis millitum. Actum anno Domini millesimo trecentesimo, mense octubris, indicione terciadecime