Περίληψη
Mετά από αίτηση του Marco Caravello του Andrea οι βιλάνοι extra feudum Bασίλης Γαμπρικάς (Gambrica) και Γεώργιος και Kώστας Kαθαρόπουλος γίνονται βιλάνοι του φέουδού του στη Φουρνή στη θέση του Γεώργιου και του Mιχάλη Τσιμινιάκου (Ciminiaco) του Iωάννη, οι οποίοι γίνονται βιλάνοι extra feudum. Τους δύο τελευταίους έχει σκοπό στη συνέχεια να τους απελευθερώσει για υπηρεσίες που του είχαν προσφέρει. Η αίτηση εγκρίθηκε από τον δούκα Κρήτης Guido da Canal. Το έγγραφο συντάσσει ο νοτάριος Angelo de Cartura.
Κείμενο
Nos Guido de Canale ducha Crete cum nostro consilio et successoribus nostris notum fieri volumus universis quod accedens ad nostram presenciam Marcus Caravello filius quondam Andree Caravello retulit nobis quod cum haberet pro suis villanis pro suo feudo delo Forni Michali et Georgium Ciminiaco filios Iohannis Ciminiaco filii Michaelis Ciminiacho, quos intendebat francare pro bonis serviciis, que dictus Iohannes pater ipsorum fecerat erga ipsum dominum suum, et loco ipsorum duorum vellet ponere in ipso feudo alios suos villanos tres quos habebat extra feudum, videlicet Vasilli Gambrica filium quondam Iohannis Gambrica et Georgium et Costam Catharopulo fratres filios quondam Michalis Catharopulo; itaquod dicti Michael et Georgius Ciminiaco remanerent extra feudum et predicti Vasilli Gambrica et Georgius et Costa Catharopulo amodo in antea essent villani predicti feudi delo Forny; supplicabat nobis quatenus dignaremus sibi concedere licenciam dicti concambii faciendi. Nos egre examinati qualitatem predictorum villanorum, quia invenimus quod predicti Michael et Georgius Ciminiaco filii predicti Iohannis nichil habebant, sed illud quod videbantur habere erat predicti patris eorum, qui remanet villanus dicti feudi et suprascripti quos ponebat loco eorum in feudo erant tres et meliores predictis et magis plus habebant de rebus quam illi; sicut eciam dictus Marcus sacramenter firmavit, considerantes quod hoc erat augmentum feudi, dictam licenciam faciendi dictum concambium sibi duximus concedendam. Quapropter volumus quod amodo in antea suprascripti Vasilli Gambrica et Georgius et Costa Catharopuli cum heredibus et proheredibus suis sint villani dicti feudi delo Forni, sicut in nostra presencia confessi fuerunt et ad ipsum feudum debeant pertinere. Et predicti Michali et Georgius Ciminiaco filii suprascripti Iohannis Ciminiacho cum heredibus et proheredibus suis remaneant villani dicti Marci extra feudum; quos possit vendere, donare, francare, alienare et de eis tamquam de suis propriis hominibus suam facere voluntatem, sicut poterat suprascriptos Vasilli Gambrica et Georgium ac Costam Catharopulo, salva tamen omnium racione. Hoc tamen addito, quod si aliquo tempore aliquis suprascriptorum villanorum inveniretur non esse villanus, suprascriptus debet reducere in feudum suprascriptum predictos quos extraxit vel dare restaurum sufficientem pro eis milicie suprascripte. Actum per manum mei Angeli de Cartura notarii, de mandato suprascripti domini duche et sui consilii, anno MCCCVIIII, mense madii, die IIII exeunte, indicione VIIa.
