Περίληψη
Ο Nicola Miegino βεβαιώνει τον αδελφό του Giacomo Megino ότι έλαβε το μερίδιο που του αναλογούσε από την πατρική και μητρική τους περιουσία στην Βενετία και στην Κρήτη και διαλύεται η "αδελφική συντροφία".
Κείμενο
Die XIII exeunte. Plenam et irrevocabilem securitatem facio ego Nicolaus Miegino, filius condam Mathei Megino habitator Chanee cum meis heredibus tibi Iacobo Megino filio condam eiusdem Mathei Megino dilecto fratri meo habitatori Chanee et tuis heredibus de tota nostra fraterna compagnia et de quantocumque tibi ad dicendum vel inquirendum habui vel habeo tam paterno quam materno seu fraterno iure sive aliqua propinquitate vel successione, nec non de quantocumque insimul habuimus vel aquisivimus et nobis habere pertinuit paterno, materno, fraterno iure vel debito hereditatis vel propinquitatis et successionis et testamentarii iuris et desuper omnibus ab innicio usque modo. Et insuper a me meisque heredibus tu cum tuis heredibus divisus et difinitus es et quia nichil inde remansit et cetera. Sciendum tamen est quod in divisione nostre fraterne societatis fuimus taliter et in concordio et divissimus omnia bona nostra mobilia et immobilia tam de Veneciis quam de insula Crete, videlicet quod omnes possessiones huius insule Crete tam millicie et villanie, quam omnes alie possessiones et cetera. Mobile huius insule Crete venerunt in me pro parte mea de plena concordia et comuni voluntate nostra. Omnes nostre possessiones de Veneciis quoquunque modo nobis pertinent venerunt in te et pro parte tua. Verutamen ego suprascriptus Nicolaus teneor et debeo solvere omnia debita que ad invicem haberemus usque nunc facta in insula Crete, non intelligendo de debitis domorum de Veneciis. Tu vero teneris et debes michi dare et refundere yperpera in Creta currentia ducenta hinc ad duos annos proxime venturos, de quibus michi fieri fecisti unam manifestacionis cartam testatam et roboratam manu infrascripti notarii, factam hoc eodem anno, mense, die et indicione suprascriptis. Sub yperperis D et auri libris quinque et in sua permaneat firmitate. Testes Nicolaus de Misina, Andreas Lambardo, Iacobus Lion. Complere et dare. Et e converso fieri debet suprascripto Nicolao.
