Παραχωρούνται στα αδέλφια Ιωάννη, Μιχαήλ και Αντώνιο Καταλάκτη τρεις καβαλαρίες, από μία στον καθένα, στις τούρμες Κισάμου και Σελίνου, οι οποίες ανήκαν στον μακαρίτη πατέρα τους Κωνσταντίνο

Nos Marinus Baduario milex ducha Crete cum nostro consilio notum facimus universis presentem paginam inspecturis, quia cum nostris successoribus post clamorem inde factum secundum usum hic Candide et Chanee, ut habuimus per litteras nobilis viri Ubaldini Iustiniano rectoris Chanee, damus et concedimus Iohanni, Michaeli et Antonio fratribus filiis quondam Constantini Catalacti habitatoribus Chanee tres kavallarias, quas ipsi habent et possident in iurisdicione Chanee, que fuerunt predicti Constantini eorum patris, videlicet unam pro quolibet, silicet Michaeli kavallariam unam de qua medietas posita est in turma Kyssami in loco vocato Messoia et altera medietas in turma Arene ali Laçi, Iohanni quidem kavallariam unam de qua medietas posita est in turma Kyssami in loco vocato Castello et altera medietas in turma Arene in loco dicto alo Citiro, et Antonio kavallariam unam de qua medietas similiter posita est in turma Kyssami in lo Castello et altera medietas in turma Arene alo Citiro, cum omnibus ipsarum kavallariarum habentiis, pertinentiis et villanis ac iuribus. Quas kavallarias tres ipsi tenentur defendere et varnire secundum consuetudinem Chanee. Tenentur eciam de fidelitate domino nostro duci Veneciarum, nobis et successoribus nostris imperpetuum et cetera, prout consuetudo curie Crete requirit. Actum anno ab incarnacione Domini MCCCXIIII, mense septembris, indicione ΧΙΙΙe Ego Egidius de Iordano, diaconus Sancti Gemini, notarius, de mandato suprascripti domini duche et sui consilii scripsi.